بيه لوعه بيه حسره

بيه لوعه وبيه حسره
وصرخه تدوي ابداخلي
صرخه هاي اسنين ظلت نايمه
وبذني يهمس شوك ..
مايعذر سهاره ولا گلوب الهايمه
ليلي حسبه يمر عليه
والنهار الناس تسرح
وانه اظلن صايمه
روحي تعبت ياعراق
من فرگتك .. من كتبت اسمي
ابهويتك
من تنفست الحياة واني يمك
اشتم انفاسك
بامواجك اظلن عايمه
انته نبض الروح اليدگ
والگلب خالي ابغيابك
انه احبك ياوطن يابو الحضاره
وخل تلوم اللايمه.. كريمة الطائي