جنه وجان

((جنه وجان))
🎆
سولفنه ابزمان الجان,,
​فرحه وتطرد الأحزان!
الوادم جنت أشوفنها 🌹🌹🌹اورود وكاعده ابستان
جان الجار كبل الدار,,, هيج انقيم الجيران!!
وجان السلف رغم العوز,,ميعوف الوكع جوعان!
وجان المستحه الموجود,,, بعيون (الزلم )نيشان!
جنه وجان
بس ياهو اليرجع الجان!!
عالفطره الصلاة جانت ,, وما شالت رياء انسان
اذا يمشي العله نيته,,,,, تتخايل مشه القران!
الما يكدر يحج البيت !
بيت الله اليجيه ويدكدك البيبان!!
جنه وجان!
ما تلكه الخيانه ابناس ,, ما واصلهم الشيطان!
المصالح ما يعرفوها!!,, وكشخه لمة الصحبان…
شو هسه اختلف كلشي
حرت بالدنيا وين أمشي!
خايف ذكريات اليوم
باجر تنكلب دفان!
بس لا تنكلب دفان!
حسين االساعدي