[عاشرنه البشر بالغربه اعوام]
عباس طريم ..
____________
عاشرنه البشر ..بالغربه اعوام
وشفنه الصدك والجد
بالتعامل
وشفنه الاستقامه وحب الاوطان
وشعب, ميقدر البالعمل
هامل
وشفنه المخلص الهالوطن , محبوب
وما يتقارن باي شخص
خامل
وشفنه احقوق للمرضه المساكين
وكبار السن حقوق
وللارامل
وتقاعد ياخذ اليوصل الستين
اذا بطال جان , او جان
عامل
وبيت الكل مواطن صاحب اعيال
حديث, وبيه كل الوصف
كامل
واليمرض تجيه سياره للبيت
اسعاف امجهزه ” باستاف “
كامل
ومحل تسويق , للكاعد اوبطال
يتسوك بلاش , اوروح
زامل
ما يدفع فلس من جيبه , ويشيل
أكل يوميه يصنع
بالمعامل
ودراسه من صدك واتخرج اعقول
واليدرس حريص , اوما
ايجامل
نظام , وبيه اليتلاعب وليبوك
وليشاغب , بكل قوه
ايتعامل
دوله اتقود واتشرع القوانين
وبيهه الخير للي يجد
يامل
وشغل متوفر ابكل اختصاصات
ما يخص الفئه .. القانون
شامل
وعرفنه ليش لارض الكفر ماهود
شرد , دور شغل , دور لمن
مل
شرد من القهر والعوز والضيج
هد حيله الزمان
وما تحمل
