عــــــــــــــــــديـــــــل الــــــــــروح

هاشم جعاز السماوي
·
استسلمَ للوهم فإتهَمني بالزعل فكتبتُ الى ..
عــــــــــــــــــديـــــــل الــــــــــروح
…..
يمعطـر السوالـف بالمـلـح و الـلـون و مــروض الــحیایه الهـایجـه بسمـهـه
عـلـى لسـانـك تــداور لهـجـة الرهـبـان و چلمـاتـك ذهــب و بخـيـر تختمـهـه
ترتبـهـا السـوالـف مـثـل راعــي الـلـوح شتـلـه بـأثـر شتـلـه يـظـل يلايـمـهـه
يالبعقـلـك تــوّزن محـضـر الـديـوان و تـواســي الـــدلال الـيـشـح گمگمهـه
بغربيـلـك بـقـيـت بـيــوم ردت اخـــوان و انـعـرفـت الـخــوه و وگع ناعـمـهـه
غيرك بالسمـع و الشـوف يلـزم خيـط بـس انتـه التغثنـي ویه الهـوه تشمهـه
تعرفـنـي بكـثـر مــا عـرفـك احـنـا اثنـيـن بــس ارواحـنـه متشـاركـه بهمـهـه
عـمـر عشرتـنـه گّرب حــد الثـلاثـيـن كـــل سـايــه الـتـمـر بـالـحـال نثلـمـهـه
عديل الروح انته و غيرك على الراس عديل الروح انتـه و روحـي فاهمهـه
مــا مــر زعــل بـيـه و لامشـيـت ويــاه و حـلـوگ الـكـره لــو حچت الجمـهـه
گلـّـي منـيـن اجـتـك فـكـرة الـزعـلان؟! و التـفـت علـيـك و صــرت خـادمـهـه
گلّي شلون گلبك طاوعـك و تگول ؟! و رسـن روحـي بيمينـك عمـر لازمهـه
گلّي شلون والف شلون ذني وياي…. خرز سبحه بشليلـك اطـش و الظمهـه
المواسم عارفيهه موزعه على الحول بس بيـك الصراحـه يحـول موسمهـه
جاوبنـي علـى بختـك بـخ لهيـب الـروح يــا نـهـر المخنـيـب لـيـش تحرمـهـه؟
اذا متعـمـد تهـيّـج جــرح خــدران!! افــرش لــك جـروحـي بجـدمـك الچمـهـه
واذا صـوت الوهـم مـر بأذنـك و ناغـاك اصحـه و لا تخـلـي الچذب يوهمـهـه
مــا اوصـيـك اعـرفـك نـوخـذه ويــه الـمـاي و الـدفـه بكـبـر عقـلـك تنادمـهـه
و هذاك آنه على حطت ايدك ويه الطيب خبزتي ويه الگصدني لازم اجسمهه
مـتـانیك عــلی نــار و بیه حـسـره غیض و لخـاطـر عیونـــك لازم اکظـمـهـه
(یبـو فـطیم) حـرام العِشـره و الاحــلام مــن ثــدي الـمـروه بـزعـل نفطمـهـه
…….
ســـبتــمــــبر2007