( عود يابس)
سولفلي محتاجك
مناگط ندى
أعيوني محمره
على كثر البچي
ياحال عود
اليابس المحترگ
مخنوگ ماكو السان
عنده يحچي
ذمه برگبتك
طالبك لومتت
راسي على صدرك
وسده خل أنتچي
بس كون ماتتاخر بجيتك
تتلاحگ اليهواگ
گبل الدفن
وبچيلي حرگت
والده على الولد
وصرخ بذاني
وخل اسمعك تون
مشتاگلك من
كثر ما ايست
شوگ الدلال
على الجمر من تحن
تجليبه لونصاري
اسمعك شعر
محتاره روحي
أكتبلك بياوزن
اهموم بيه
متعبه نيط الگلب
يبهض ثگلهن
ماتشيله السفن
العيد مرجوحه
ويحب الفرح
عاشور روحي
وراهمه على الحزن
أبعيد عني شما
أگربك صرت
صوت الموادع
بذني أحسه يرن
مجروح والعبرات
لزمن سره
والدمعه تنزل
بس تحرك الجفن
ياعشرتي الوياك
ريشه أبحر
ياصوب تلگه الجرف
خاطر تچن
///الشاعر جهاد الغزي السماوي ///
