منه كال السيف عالدم ينتصر
الشاعرة : كريمه عبد اللامي
منه كال السيف عالدم ينتصر
دم ابو السجاد ,حقق انتصار
رغم كل تحشيدهم ذيج الالوف
حسين واصحابه بشجاعتهم منار
سجل التاريخ , بالطف ملحمه
وجيش اميه اشلون صابه الانهيار
هذا ابن بنت الرسول اوبضعته
هو كوكب والسمه صارت مدار
جيل وي جيل الروت قصة صمود
باقية ابكلب الصغار وي الكبار
جمره بكلوب التحبك ياحسين
ابد ما تنطفي وتتطاير شرار
ياحسين ابكربلاء انته الدليل
وانته بيدك قررت اكبر قرار
من وكت ما حضر جيش امن الطغاة
وصحت بيهم صيحتك اين الفرار
ياجبل والله , متهزك الريح
انته باقي اوكبتك شمس النهار
