** نفاخة النار **
اذا كل يوم يسدي يگصر الاعمار
يوكت البيك هم ما ينحمل صار
اهجن كون عنك و انحر البيد
اضن غابت شمسنه وذيچ الانوار
لان حچي الصدگ راح ومشه بعيد
حچينه اصبح مثل نفاخة النار
اشما تنفخ الموگد نارها اتزيد
چبير الگوم عدنه ايغض الانظار
اذا ما بيها لطعه الحسبه وتفيد
و الترجاه اخو أو وياك فجار
گوماني طلع و يسلبك يريد
ترادت يا حسافه و خيرها اندار
وصارت ازمة اخلاق و اجاويد
امداهن كل حچينه وهمس واسرار
وشلاع الگلب محصول المگاريد
ندمان و حسرتي بكل الاكتار
لان طلعو مچابش مو صناديد
الف لله الحمد ما ظلت استار
وچثير من الربع طلعو (مساريد)
الشاعر كاظم الخفاجي
