وين جنه… اوين صرنه؟

وين جنه… اوين صرنه؟
ليش رحنه… وليش اجينه
ليش عشنه ابهلملامه… وهالقهر غصبن علينه؟
مدري دنيانا اتغيرت … مدري احنه اتغيرينه؟
مدري هاي الدنيا خدعه …وبيها احنه اتقشمرينه
ومدري ليش الرحمه راحت…وضلت اويانه الضغينه
ليش عود انعيش فتنه…ومن عمرنه اشحصلينه
فرهدينه اشكثر وادم… واحنـه تــالي اتفرهدينه
ظــالم ومظــلـوم احــنه …ابهل مئاسي اتعادلينه
أبـد مـا نمـشـي ابـعقلنه.. أبـلا عـقل لمــن مشينه
مـاركـضــنــه الــحـكمــة الله …وعالفلوس اتراكضينه
واحنه ندري انموت باجر …وهالحساب اماكدينه
والكــفـن ماعنده جيب…وكلشي ماناخذ بدينه
​ االغريب✍️