[ حييت سفحك عن بعد فحييني — يادجلة الخير ياام البساتين ]
اشو راح الخير يالبصره — وشعبج عايش ابحسره
بساتينج صفن مولات — وملكوهه الزباله الجانو احثالات
يبصره الغاليه وام الدواوين — وين الخير ذاكه والبساتين
قره السياب عنج اجمل اشعار– والعشار غنه ويه المغنين
وكتنه اتغير وما ظل فرح بيه — وصفت طشار الرجال الميامين
وذاك الخير كله اتفرهد وراح — عاشت بي دول والشعب بالطين
ما ندري شوكت يتعدل الحال — وترجع ناسنه الطلعت ملايين
شملنه اتشتت ابكل ارض بالكاع — وبعدنه لعترة الهادي موالين
تمسكنه ابوطنه وبالكلب عاش — وما يوم النسينه العتره والدين
شوكت نرجع ؟سؤال امحير الناس– وانشوف الاحبه وتفرح العين
نخيت الله ورسوله ايعدل الحال — شوكت نخلص يالاهي من الشياطين
الشاعر عقيل التميمي
