ياحلم عشك الزغر
جليل الغريب
××××
ليش اجيت!
ياحلم تالي العمر
وبهل عمر!!
ماصدكيت
ليش اجيت!!
إشذكرك والسالفه كلش بعيده!
وليش اجيت وهيجت روحي العنيده!
وبالظبط شنهو التريده!
اشذكراك وعاوديت!
وليش اجيت!!
‘
ياحلم عشك الزغر
جيتك عجيبه!
اشجابك وجبت الصور
من الحبيبه!
وهاكثر جيتك غريبه
وأنه ماصدك نسيت
ليش اجيت!
‘
فززت بيه الجروح الغافيه
ياحلم يابو سوالف دافيه
ورجعت بيه السنين
وفيضت بيه الحنين
وأنه ماصدك نسيت
ليش اجيت
ليش اجيت
ااالغريب
ياحلم عشك الزغر
مقالات ذات صلة
