يسموني الغريب

يسموني الغريب وعايش ابغربه
واحتاج الدموع ومابقت دمعه
أسولفلك حياتي ودمعك اتصبه
واخليها ابدمعتك تنطفي الشمعه!
ياليل اليجيني ومعلن ابحربه
ويطالب ابثاره وضاكت الوسعه!
ياعطشان مثلي وفاكد الجربه
وبهيمه وذيابه الكاعده اتبعه!
هذا انه الغريب الما عرف دربه
ويركض بالزمان وما لحك ربعه
والجمعه الذكرها ابطاري اليحبه
ضلت ذكريات وجايبه الوجعه!
ياليلة الجمعه الها كثر صعبه
يأذيني الخميس الجايب الجمعه!
ياذيني الخميس الجايب الجمعه
والاغراب
اتحمل عذاب اهلي ولا اغراب
وابقه ابهايه متعجب والاغرب!
عاينت الصكر لابد والغراب
يلعب عالنسر صبح ومسيه!
​جليل الغريب