( الشاعر العراقي المغترب.. كريم الجسار )
( هوانه )
هوانه اسرار
يعرفنه اليفرزن والاغم يحتار
جربنه وتشوف شلون
من يضوي الذهب بالنار
من دار الزمن مكلوب
واحنه نعاكس التيار
قبلتنه الوطن والناس
موقبلة نفط وابار
ماشين بدرب محسوب
من كللك كظه المشوار
عاصين على حلك الموت
وبرحة صبرنه احتار
ياكل بينه واحنه نزود
وانخضر قصيده وثار
ذب سيفه وتعب واحنه
مثل عكدة التوث التكسر المنشار
وانت منين من يا دار
واشعندك تسولف بالنضال اثار
حسبالي يخالي الراي
يتباهه النخل لو نصص الكنطار
حاجي الحزموك وجايني بنص ثوب
واسمك مستعار وكذلتك نثار
صيح بجوكة الغمان
ما جا هل كمر نيسان لولا اذار
احنه البينه شد الحيل
موكل اليهب مطار
غيرتنه كلايد خيل
ذاري جدامنه برفحه الامس ينزار
لكطنه الزمان الكاط
مثل اليلكط المحار
حتى اتظل علينه ارسوم
من ذاك العراق الياقي بس تذكار
( هوانه )
مقالات ذات صلة
- Advertisment -
- Advertisment -