ردتلي بزعل تنشد
وگالتلي القصيدة
شبيك شو مو ذاك؟
كاسك ما فرغ وبصفنتك تبعد
ونفاضة جكاير فايضه على الگاع
وتعصر جفوف وحسبه وتنهد
قلم مصلوب مثلي بحيرتك حاير
ورق يبسن اطرافه بحسرة الشاعر
والشاعر نهر والنهر ما يرگد
شني الغيب ضوه هلالك
شني الحسبه الخذت بالك
تعد شتعد
خيم رفحه وعطشهه وما جزاك حساب
جا وكت اليصير طرادهن تگعد
گلتلهه ينزرة عين هذا طلوگ
والشاعر طلوگه يهد
يطلگ وحده ولا عونه تنفع بيه
ولا جف لازمه ولا جابله تولد
يدوس باثر جدمه بسجه ما تنداس
ويگصر نفس حد الخنگ ويمد
يزت عصرات عصره خلاف عصره
يزتهه وتعود
وجن بجر القصايد مو توالي سنين
وطلوگ البجر تالي العمر يظهد
محبتي لكم
كريم الجسار
ردتلي بزعل تنشد
مقالات ذات صلة
- Advertisment -
- Advertisment -